সদৌ অসম জোলহা জনগোষ্ঠী সন্মিলনীৰ ৪ৰ্থ বাৰ্ষিক ৰাজ্যিক অধিৱেশন 

সদৌ অসম জোলহা জনগোষ্ঠী সন্মিলনীৰ ৪ৰ্থ বাৰ্ষিক ৰাজ্যিক অধিৱেশন 
দুৰ্নীতিৰ দৰ্পণ, কংকণ তালুকদাৰ, ২৬ এপ্ৰিল, হাউলী : 
সদৌ অসম জোলহা জনগোষ্ঠী সন্মিলনীৰ ৪ৰ্থ‌‌‌ বাৰ্ষিক ৰাজ্যিক অধিৱেশনখন আজি হাউলী চণ্ডী বৰুৱা স্মৃতি ভৱনত এদিনীয়া বিস্তৃত কাৰ্যসূচীৰে অনুষ্ঠিত হয় । কাৰ্যসূচী অনুসৰি পুৱা ৬ বজাত জাকিৰ হুছেইনৰ পৰিচালনাত ছাফাই অভিযান হয় । ৭ বজাত সন্মিলনীৰ পতাকা উত্তোলন কৰা হয় । পতাকা উত্তোলন কৰে জোলহা জনগোষ্ঠী সন্মিলনীৰ সভাপতি আবুল হুছেইনে, ৭- ১৫ বজাত স্মৃতি তৰ্পন, ৭-৩০ বজাত গছপুলি ৰোপণ আৰু ৯ বজাত প্ৰতিনিধি সভা অনুষ্ঠিত হয় । দুপৰীয়া ১২ বজাত হোৱা ভোজন বিৰতিৰ পিছত আবেলি ২ বজাত সন্মিলনীৰ সভাপতি আবুল হুছেইনৰ পৌৰোহিত্যত মুকলি সভা অনুষ্ঠিত হয় । সভাৰ উদ্দেশ্য আৰু প্ৰতিবেদন পাঠ কৰে সন্মিলনীৰ সাধাৰণ সম্পাদক তাজ উদ্দিন আহমেদে । অধিৱেশনত অসমৰ বিভিন্ন জিলাৰ পৰা ভালে সংখ্যক প্ৰতিনিধি উপস্থিত থাকে। আজিৰ সভাত আগন্তুক লোকপিয়লত ‘জোলহা’ হিচাপে জনগোষ্ঠীয় পৰিচয় দিয়াৰ সিদ্ধান্ত গ্ৰহণ কৰে । আজিৰ সভাত সৰুক্ষেত্ৰী সমষ্টিৰ প্ৰাক্তন বিধায়ক জাকিৰ হুছেইন শিকদাৰ উপস্থিত থাকি সমগ্ৰ অসমত থকা প্ৰায় তিনি লাখ ‘জোলহা’ জনগোষ্ঠীৰ লোকক সৰ্বতোপ্ৰকাৰে সহায় কৰাৰ আশ্বাস প্ৰদান কৰে । সাহিত্যিক ইছমাইল হোছেইনে তথ্যভিত্তিক আৰু‌ বিজ্ঞানভিত্তিক আলোচনাচক্ৰ, গবেষণা আদিৰ দ্বাৰা জনগোষ্ঠীটোৰ বৌদ্ধিক ভেটি টনকিয়াল কৰিব লাগিব বুলি পৰামৰ্শ আগবঢ়ায়