উত্তৰ-পূব সীমান্ত ৰেলৱেৰ ৰেলৱে সুৰক্ষা বাহিনীৰ দ্বাৰা চুৰি কাৰ্যৰ সৈতে জড়িত সন্দেহজনক ব্যক্তিক কৰায়ত্ত কৰি ৰেল যাত্ৰীৰ সুৰক্ষা নিশ্চিতকৰণ

উত্তৰ-পূব সীমান্ত ৰেলৱেৰ ৰেলৱে সুৰক্ষা বাহিনীৰ দ্বাৰা চুৰি কাৰ্যৰ সৈতে জড়িত সন্দেহজনক ব্যক্তিক কৰায়ত্ত কৰি ৰেল যাত্ৰীৰ সুৰক্ষা নিশ্চিতকৰণ
মালিগাঁও,পিএনচি, ১৭ মে’:উত্তৰ-পূৱ সীমান্ত ৰেলৱেৰ ৰেলৱে সুৰক্ষা বাহিনীয়ে (আৰপিএফ)এই সংমণ্ডলৰ বিভিন্ন স্থানত ধাৰাবাহিক অভিযান চলাই যাত্ৰীৰ সুৰক্ষা আৰু নিৰাপত্তাৰ প্ৰতি তাৰ অটল দায়বদ্ধতাকে পুনৰ প্ৰমাণিত কৰে। ১২ মে’ তাৰিখে গুৱাহাটীৰ এণ্টি ড্ৰাগিং টীমে ৰেল নং ২২৪৫০(নিউ দিল্লী–গুৱাহাটী)পূৰ্বোত্তৰ সম্পৰ্ক ক্ৰান্তি এক্সপ্ৰেছত এজন ব্যক্তিক যাত্ৰীৰ সম্পত্তি চুৰি কৰাৰ অভিযোগত কৰায়ত্ত কৰে। তেওঁৰ পৰা প্ৰায় ৩০,০০০ টকা মূল্যৰ দুটা চুৰি কৰা মোবাইল ফোন উদ্ধাৰ কৰা হয়। অভিযুক্তক উদ্ধাৰ কৰা সামগ্ৰীসহ জিআৰপি/গুৱাহাটীৰ হাতত অৰ্পন কৰা হয়, লগতে ভাৰতীয় ন্যায় সংহিতা(বিএনএছ)ৰ সংশ্লিষ্ট ধাৰাৰ অধীনত গোচৰ ৰুজু কৰা হয়। একে দিনাই আন এক অভিযানত আৰপিএফ/প’ষ্ট/কাটিহাৰ(ইষ্ট)ৰ জোৱানে কাটিহাৰ ৰেলৱে ষ্টেচনত এজন ব্যক্তিক কৰায়ত্ত কৰে। তেওঁৰ পৰা প্ৰায় ৩২,০০০ টকা মূল্যৰ এটা চুৰি কৰা মোবাইল ফোন উদ্ধাৰ কৰা হয়। অভিযুক্তক জিআৰপি/কাটিহাৰৰ হাতত হস্তান্তৰ কৰা হয়, লগতে উপযুক্ত ধাৰাৰ অধীনত গোচৰ ৰুজু কৰা হয়। পৰৱৰ্তী সময়ত এই অভিযান অব্যাহত ৰাখি ১৩ মে’ ২০২৬ তাৰিখে ৰঙিয়াৰ চিআইবি টীমে ৰঙিয়া ৰেলৱে ষ্টেচনত ৰেল নং ১৫৯৩৩(নিউ তিনিচুকীয়া–অমৃতসৰ)এক্সপ্ৰেছৰ পৰা ৰেলখনৰ পৰা এজন ব্যক্তিক দুটা চুৰি কৰা মোবাইল ফোন (প্ৰায় ২৫,০০০ টকা মূল্যৰ)সহ কৰায়ত্ত কৰে। অভিযুক্তক পৰৱৰ্তী আইনী ব্যৱস্থা গ্ৰহণৰ বাবে জিআৰপি/ৰঙিয়াৰ হাতত অৰ্পন কৰা হয়। এই সফল অভিযানসমূহে যাত্ৰী আৰু তেওঁলোকৰ সম্পত্তিৰ সুৰক্ষা আৰু নিৰাপত্তা নিশ্চিত কৰাৰ দিশত ৰেলৱে সুৰক্ষা বাহিনীৰ জোৱানসকলৰ সতৰ্কতা আৰু তৎপৰতাকে প্ৰতিফলিত কৰিছে। উত্তৰ-পূৱ সীমান্ত ৰেলৱেই যাত্ৰীসকলক নিৰাপদ আৰু সুৰক্ষিত ৰেল ভ্ৰমণৰ পৰিৱেশ প্ৰদান কৰাৰ বাবে প্ৰতিশ্ৰুতিবদ্ধ আৰু যাত্ৰীসকলক সতৰ্ক থাকিবলৈ লগতে কোনো ধৰণৰ সন্দেহজনক গতিবিধি দেখা পালে ৰেল কৰ্তৃপক্ষক জনাবলৈ আহ্বান জনাইছে।