বিধানসভা নিৰ্বাচনৰ ভোটগ্ৰহণৰ কামত নিয়োজিত মহিলা ভোটগ্ৰহণকাৰী বিষয়াসকলৰ দ্বিতীয় ৰাউণ্ডৰ গ্ৰুপ প্ৰশিক্ষণ মৰিগাঁও মহাবিদ্যালয়ত অনুষ্ঠিত
দুৰ্নীতিৰ দৰ্পন, মকিবুদ্দিন আহমেদ, মৰিগাঁও সদৰ, ২৬ মাৰ্চ: সমাগত বিধানসভা নিৰ্বাচনৰ ভোটগ্ৰহণৰ কামত নিয়োজিত মহিলা ভোটগ্ৰহণকাৰী বিষয়াসকলৰ দ্বিতীয় ৰাউণ্ডৰ গ্ৰুপ প্ৰশিক্ষণ আজি মৰিগাঁও মহাবিদ্যালয়ত অনুষ্ঠিত হয়৷ এই প্ৰশিক্ষণত দুশৰো অধিক মহিলা ভোটগ্ৰহণকাৰী বিষয়াই অংশগ্ৰহণ কৰে৷ জিলা আয়ুক্ত অনামিকা তেৱাৰী আৰু কেইবাগৰাকীও বিষয়া তথা মাষ্টাৰ ট্ৰেইনাৰসকলে মহিলা ভোটগ্ৰহণকাৰী বিষয়াসকলক তেওঁলোকৰ দায়িত্ব আৰু কৰ্তব্যসমূহৰ বিষয়ে অৱগত কৰায়৷ প্ৰশিক্ষণত প’লিং বিষয়াসকলক বেলট ইউনিট, ইলেক্ট্ৰনিক ভোটিং মেচিন, ভোটাৰ ভেৰিফায়েবল পেপাৰ অ’ডিট ট্ৰেইলৰ ব্যৱহাৰৰ ব্যৱহাৰিক প্ৰশিক্ষণ প্ৰদান কৰা হয়৷ প’লিং বিষয়াসকলে ম’ক প’লৰ জৰিয়তে ভোটগ্ৰহণৰ প্ৰক্ৰিয়াটোৰ ব্যৱহাৰিক অভিজ্ঞতা লাভ কৰে৷ উল্লেখ্য যে মৰিগাঁও নিৰ্বাচন জিলাত ভোটগ্ৰহণ প্ৰক্ৰিয়াৰ বাবে সৰ্বমুঠ ৪৪৮০ গৰাকী প’লিং বিষয়াক নিয়োগ কৰা হৈছে৷ ইয়াৰে ৫০টা ভোটগ্ৰহণ কেন্দ্ৰ মহিলাৰ দ্বাৰা পৰিচালিত হ’ব আৰু দুই শতাধিক মহিলা পলিং বিষয়াই ভোটগ্ৰহণ কৰিব৷
